حوزہ نیوز ایجنسی کی رپورٹ کے مطابق،ہندوستان سے تشریف لائے حسین آباد (جپلا) صوبۂ جھارکھنڈ کے امام جمعہ و الجماعت حجۃ الاسلام والمسلمین مولانا سید علی سجیر رضوی زیدپوری کے ساتھ علماء و طلاب حسین آباد جھارکھنڈ کا ایک خصوصی جلسہ منعقد ہوا۔

جسمیں مولانا نے ہندوستان خصوصا صوبۂ جھارکھنڈ کے اہم مسائل و حالات پر گفتگو کی نیز اس علاقہ کی ضروریات اور کار تبلیغ کو مزید آگے بڑھانے کے سلسلہ سے علماء و طلاب کے مشورہ و آراء سے بھی استفادہ کیا۔

آخر میں مولانا نے کہا کہ کوئی بھی بڑا سے بڑا مسئلہ آپسی اتحاد و اتفاق رائے سے حل کیا جا سکتا ہے جو آج ہم سب کے لئیے بے حد اہم ہے۔

جلسہ میں موجود مولانا سید مصطفی حسین نقوی صاحب ، مولانا سید ذیشان حیدر صاحب ، مولانا سید سلمان حیدر صاحب و مولانا سید اقتدار مہدی صاحب و طلاب ذوی الاحترام شریک تھے۔